Match amical: Sporting Mertzig - Progrès Niederkorn
Vun Ufank un hate mir de Mätch gutt am Grëff a mir konnten déi Saachen ëmsetzen, un deene mir dës Woch geschafft hunn.
Besonnesch Déif – Klatsch – Déif huet haut ganz gutt funktionéiert. Doduerch hu mir eis ëmmer nees gutt duerchgespillt a vill Goalchancen erausgespillt. D’Equipe huet selwer gemierkt, datt eis Kombinatiounen funktionéieren, an huet ëmmer méi Vertrauen an eist Spill kritt.
Trotzdem si mir duerch 3 individuell Passfeeler mat 0:3 a Réckstand geroden. Bis dohinner hat Niederkuer kaum eng richteg Chance. Positiv war, datt mir roueg bliwwen sinn, un eisem Spill festgehalen hunn an nach virun der Paus op 2:3 verkierze konnten.
An der zweeter Hallschent hu mir séier den 3:3 gemaach an eis duerno eng Chance no där anerer erausgespillt. Um Enn hu mir de Mätch verdéngt mat 6:3 gewonnen.
Eise gréisste Verbesserungspunkt bleift d’Effizienz virum Goal. Mir brauchen nach ze vill Chancen, fir eis Goaler ze maachen. Wann d’Méiglechkeet do ass, musse mir méi Vertrauen hunn an konsequent ofschléissen, amplaz nach en extra Pass ze spillen oder nach en zousätzleche Crochet ze maachen.
Fazit: Vill gutt Saachen aus der Trainingswoch am Mätch erëmgesinn, gutt Reaktioun nom 0:3 a verdéngte Sieg. Elo musse mir virum Goal nach méi kalbliddeg ginn.